geyam

వంద వంద వందనాలు 

శతకోటి వందనాలు 

సహస్రకోటి వందనాలు 

జ్ఞానదాతలకి

                                        జన జన జన జనజనాలు 

                                        శతకోటి జనజనాలు 

                                        సహస్రకోటి జనజనాలు 

                                         జ్ఞాన విచక్షణకి 

కన కన కన కనకనలు 

గుండెల్లో కనకనలు 

యదలయలో కనకనలు 

భయ కంపితమై 

                                             గల గల గల గలనదులు

                                             పారేవి నదినదులు 

                                             పొంగేవి నదినదులు

                                              జల సంపదలై 

బిర బిర బిర బిరబిరలు

బిర బిర బిరమని నడకలు 

బిర బిర బిరమని పరుగులు 

స్వేఛ్చ కోసమై 

kopam

నేనెందుకు నేనెందుకు నేనెందుకు 

కలవరపడి వేదనపడి

విరహంతో చెలరేగి 

ముందుకు ముందు ముందుకు వెళ్తుంటే

ఒడిదుడుకులు ఓరచూపులు

చూడలేని మనసేందుకు

కోపంతో తాపంతో

చెలరేగి చెలరేగి

ఆవేశం ఆక్రోశం

 పొంగి పొంగి పోర్లుతుంటే

శక్తి అంత ఏకమై 

మంటలుగా మారుతుంటే 

ఢమ  ఢమ  ఢమ, ఢమ  ఢమ  ఢమ

గుండెల్లో చప్పుళ్ళు 

ఆలోచనల్లో తప్పుల్లు

జనియించి జనియించి

ఊహలన్ని మారుతుంటే 

ఊపిరంత రేగుతుంటే 

వెర్రెక్కి వెర్రెక్కి

వేదనతో చూస్తుంటే 

ప్రశాంతతే కోపించి 

నను విడిచి వెలుతుంటే 

మరణమైన కోపాగ్నిలో 

కాలి బుడిదవుతుంది 

teachers's day :)

గురు:బ్రహ్మ

గురు:విష్ణు

గురుదేవో మహేశ్వర:

గురు సాక్షాత్ పరబ్రహ్మ

తస్మై శ్రీ గురువే నమ:

విద్యను భోదించే గురువులందరికీ ఉపాధ్యాయదినోత్సవ శుభకాంక్షలు.....

అజ్ఞాన అంధకారం తొలగించి

విజ్ఞాన వెలుగులు నింపి

విచక్షణ జ్ఞానాన్ని అందించు

ఉపాధ్యాయులకు వందనం

విద్యను ప్రసాదించి

వినయాన్ని పరిచయం చేసి

విజ్ఞాన బండగారాన్ని అందించు

ఉపాధ్యాయులకు వందనం

విలువైన విద్య నేర్పి

నిస్వార్థ మనసు కలిగి

నిరంతరం శ్రమిస్తూ

విద్యార్థులను సిద్దర్థులు చేసే

ఉపాధ్యాయులకు వందనం

పురోగతికి బాటలేస్తూ

మహోన్నతికి తొడ్పడుతూ

విద్యార్ధి జీవితంలో వెలుగులు నింపే

ఉపాధ్యాయులకు వందనం....

ఎడారి బాటలో పయనం....

దారిలో దప్పికే కష్టం.....

కనిపించే ఒయసిస్సే....

స్నేహం... స్నేహం.... స్నేహం.... 

జీవితం......
సుఖాలు,దుఃఖాలు,కష్టాలు ,కనీళ్ళు
జ్ఞాపకాలు,మధురమైన జ్ఞాపకాలు 
ఒక్క మాటలో చెప్పాలంటే ఒడిదుడుకులు 
ఎప్పుడు వెన్నంటి ఉంటాయి.....
వాటిని అధికమిస్తూ 
ప్రతి సంవత్సరంలో 
కొత్త కొత్త అనుభూతులను పొందుతూ 
ముందుకు ముందు ముందుకు వెలుతూ
వసంతకాలా కోయిలలా 
ఆనందవహినిలో మూనిగిపోతూ
ఎల్లప్పుడూ ఆయురారోగ్యాలతో 
సంపదలతో తులతూగాలని 
కోరుకుంటూ ......
నందన నామ సంవత్సర 
శుభాకాంక్షలు ................

నేను నేనుగా లేని నేను 
నాలో లేకుండా నీలో లీనమై
నీ భావాలలో భాగమై 
ఆలోచనలలో ఇమిడిపోయి 
నీలో నేను నాలో నువ్వు
అని కాకుండా
నీవే నేనై జీవిస్తున్నా.......

ప్రేమలో ఉన్ననేను
ప్రేమకోసం ప్రతి
క్షణం ప్రేమకై 
పరితపిస్తూ ప్రేమలోని 
మధుర స్మృతులను 
ప్రేమగా స్మరించుకుంటూ 
ప్రేమా లోకంలో విహరించే 
పుష్పక విమానంలోని 
ఓ ప్రేమికుడను............

మంచుకన్న చల్లనిది
మల్లెకన్న తెల్లనిది
సముద్రం కన్న లోతైనది
పాతాళం కన్న విశాలమైనది
ఆకాశం కన్న ఎత్తయినది 
ఏమిటో తెలుసా?????
పవిత్రమైన నీ ప్రేమ ప్రియ...........

                           
                                               చిరునవ్వులా సిరి వెన్నెల 
                                 నావైపిలా చూస్తుంటే 
                                  లోలోపల ఏదోకల 
                                  వేవేళలా మురిపిస్తుంటే 
                                  సాగేనిలా ప్రేమవల 
                                  శాశ్వతకల అనిపిస్తుందే......

కలకాలం కడవరకు
కలిసుంటానని కవ్విస్తే
ప్రతి దినము అను క్షణము
నీ కోసం బ్రతికేస్తా

                                                                                                                                                                                                    

                                            మనసిచ్చి మైమరచి
                                             మురిపెంగా ప్రేమిస్తే
                                             ఎదలోన చోటిచ్చి 
                                           అనుక్షణము పూజిస్తా

నవ్వుతూ నవ్విస్తూ 
నను నన్నుగా బరిస్తే
బాధనే నీ దరికి 
రాకుండా చేసేస్తా

                                              ప్రేమనే ప్రేమతో

                                              ప్రేమగా ప్రేమిస్తే

                                             ప్రాణంలో ప్రాణమై 

                                             ప్రాణంగా ప్రేమిస్తా......

ప్రేమించడమంటే
క్షణక్షణం ప్రేయసి ఊహల్లో తేలుతూ 
వచ్చే ఒడిదుడుకులను మర్చిపోయి 
ఇరివురి మధ్యలో ఉన్న తీపి జ్ఞాపకాలను
నెమరువేసుకుంటూ  పాలునీళ్లలా కలిసిపోయి 
ఒకరికోసం మరొకరు ప్రాణాలు సైతం ధారబోసేంత
ఇష్టాన్ని కలిగి ఉండడమే.........

మరవకు నేస్తమా
మనసిచ్చిన మధనుడిని
వదలకు ప్రియతమా
వరించిన వరుడిని
జయించు ప్రణయమా 
జనియించిన ప్రేమని........

నేస్తమా...!!!
నేనున్నానన్న  నమ్మకాన్ని
కలిగించు  చాలు 
చితినుంచైనా లేచొచ్చి 
నీ కోసం బ్రతికేస్తా......

రెండు హృదయాలలో మొదలై 
ఒకరికొకరు ప్రాణమై
ఇరువురు కలిసి ఒకటై
ప్రతి క్షణం మధురమై 
జీవించండమే ప్రేమ............

ప్రేమికుల రోజు

శిశిరంలో రాలే ఆకుల్లా
బాధల్ని వదిలేస్తూ
వసంతంలో చిగురులా
కొత్తదనాన్ని చవిచూస్తూ 
గ్రీష్మంలో ఉండే ఎండలా
ఒడిదుడుకులను భరిస్తూ 
వర్షఋతువులో కురిసే వర్షంలా
భావాలలో తడుస్తూ 
శరదృతువుల్లో ఉండే పండగలలో
సందళ్ళు చేస్తూ 
హేమంత ఋతువులా చల్లగా 
ఉండాలని కోరుకుంటూ..........
ప్రేమికుల రోజు శుభాకాంక్షలు   
తెలుపుతున్న ఓ ప్రేమికుడు.....

చిరునవ్వులు చిందిస్తే 

కడవరకు కవ్విస్తా

ఒడిదుడుకులు  భరిస్తే  

ప్రతిజన్మకు  తోడుంటా ....

హంసలా నడిచే వయ్యారి

కోకిలలా కూసే కుమారి 

సూర్యునిలా వెలిగే సుమధురి 
వెన్నెలలా వెదజల్లే సుకుమారి
నీ తోడులోనే జీవిస్తానే సుందరి 

ప్రేమ అనేది శాశ్వతం
ప్రాణం అనేది పరిమితం
భావం అనేది క్షణికం
తోడు అనేది మధురం.....

చలివా గిలివా 
నా ఒడిలో చేరే చెలివా
ఆలోచనవా  ఆవేదనవా 
నా మదిలో మెదిలే ఆమనివా 
కలవా వలవా 
నను నీలో కలుపుకునే కల్పవల్లివా

నిశీధివా   ఛాయవా

నిశీధిలో  మెరిసే నక్షత్రానివా  
నింగివా నేలవా
నను అబ్బుర పరిచే నయాగరా జలపాతానివా........

నీపై నాకున్నది ప్రేమా
అది నీకు చెప్పాలే భామా
చెప్పాక కౌగిలించుకుంటావనేది భ్రమా
ఎలాగైనా నను కాదనవనేదే  నా ధీమా.....

దహించు ఈ ఏకాంతం
నను కలవరపెడుతూ 
నీ జ్ఞాపకాల సాగరంలో 
ముంచేస్తుంటే......
ఎలా ఈదాలో తెలియని 
నా మది నిను చూసినా
నీతో మాటాడిన క్షణాలను 
పదే పదే గుర్తుచేస్తూ..
సహించలేని నీ తోడు
యుగాలుగా వీడిన 
క్షణాలనిపిస్తుంటే....
ఏమి చేయను బంగారం...???
నీ పైన మనసు పడిన 
ఈ మధనుడు
నీకోసం అన్వేషిస్తూ
నీ మనసులో చోటుకోసం
రేయనక పగలక
నీ ఊహల్లో తేలిపోతూ
పడుతున్న విరహవేదనను
చెట్టుకు చెప్పిన పుట్టకు
చెప్పిన అర్ధం కాదు..
మనసులో భావాలు
ఉప్పెనలా పొంగి 
కన్నీరుమున్నీరవుతున్న 
నా కోసం కలవరపడేవల్లున్న 
నీ తోడు లేని లోటు 
ప్రతి చోట 
కలలో ఇలలో 
మరి ప్రతి
వేళలో కూడా
నను దహించి 
 వలలోపడ్డ చేపవలె 
కొట్టుమిట్టాడినట్లు అనిపిస్తుంటే ...
అయినను
కనికరమైన నీ చూపులకై
కొన్నేళ్ళుగా ఎదురు 
చూస్తున్నా ఎందుకంటే 
నీ సాంగత్యంలో సంతోషంగా ఉండాలని.........

నిన్ను చూస్తే ఈర్ష్యగా ఉంది
నింగి నేల సౌర వ్యవస్థలో 
నిగిడీకృతమై ఉన్నాయి
ఆకర్షించే అందాలున్న 
అమ్మాయిలు ఎందరున్న 
నీ గుణగణాలకు
ముగ్ధుడనవుతూ
మృధుమధుర మనోహర భావాలను
మనసంతా మొహరించుకున్నా 
రూపానికి తగిన పేరుతో
రంజింప చేసే 
నిను  చూస్తే 
ప్రశాంతమైన ప్రకృతిలో
తేలిపోతునట్లు ఉంటుంది
వస్త్రాధారణ కూడా వసంతకాలంలా ఉండే
నీ ఛాయలు చూస్తుంటే
ఈర్శ్యానందాలతో ఇష్టపడుతూ 
పరవశిస్తున్నా
పవిత్రమైన నీ పక్కన 
కూర్చుంటే చాలు
పులకిస్తూ పుణ్యితమవుతున్నా............

ప్రేమించడం అంటే ప్రకృతిలో 
ప్రతి అందాన్ని ప్రేయసి దృష్టితో 
చూడడమే....

కమనీయమైన నీ చేయి పట్టుకొని
రమణీయంగా నడవాలనుకునే.....
నా ఆలోచనలకూ ఆనకట్టవేయలనుకున్నా....
అడుగడుగునా...ఆటంకపడుతున్నట్టుగా ఉంది.......
అయినా......

నేను నేనులా జీవించే అవకాశమే 

లేకున్నప్పుడు నీలో 
నేనై జీవించడమే ఆనందం..........

ఓ వనిత

కాంతితో వెలిగే నీ మోము 

చూసి పున్నమి వెన్నెలైన తప్పుకుంటుందేమో.........

నా కంటే 

ఈ నిశీధిలో వెలిగే సిరివెన్నెల ఎవరని????

ఏమని చెప్పమంటావ్?

వెలుగులు చిందించే నక్షత్రమనా!!!!!!

లేక వేదనలు రేపే నెరజాణవా!!!!!!!

నెరజాణవులే!!!!!!!

నెరజాణ కాంతిని  చూసి మది

ఉర్విలో ఇంత అందం కలదా

అని ఉవ్విళ్ళూరదా !!!!!!!!!

ఉల్లాస పడి చిందులే వేయదా!!!!!!  

నవ్వులు చూస్తేనే 

నాలుగు కోట్ల జన్మలైన 

వేచి చూడాలనిపించే భావాలు..........

చెలి కోసం 

నరక ద్వారాలైన తట్టమని శాసించే ఆలోచనలు.....

కనుసైగకే  స్పందించి పోయే హృదయాస్పందనలు...... 

నీ తోడులో జీవించాలనే కోరికలు.......

మనోభావాలను నిజం చేసుకోవాలన్న ఆవేదనలు.....

అనంతం......అనీర్వచనీయం........

..

కురిసే ప్రతి వర్షపు చినుకు 
నిన్ను నేను ప్రేమిస్తున్నాను
 అనే దానికి నిదర్శనం అయితే......
అదే క్షణం 
నువ్వు నన్ను ఎంతగా ప్రేమిస్తున్నావని అడిగితే.......
నిజం చెప్తున్నా .......... 
వర్షించే వర్షం వర్షించడం ఎప్పటికి ఆగదు..........

కవ్వించే కళ్ళల్లోన కమనీయమైన రూపం నీది  

కర శోభతో పుష్పానికే కాంతి తెచ్చే మగువా!!!!

మరపురాని మనోహర స్వరాంజలివి నువ్వు 
ఆ స్వరాంజలి ఎదపై గల మచ్చను చూసి మది
నిశీధిలో నిద్రను సైతం దూరం చేసి 
నివ్వెర పోయేలా ప్రశ్నిస్తుంది..........
ఆ పడతి అవని యందే కలదా!!
లేక ఆకాశం నుండి దిగివచ్చిన తారకా!! అని
ఏమని చెప్పను ???
ఆ మేను చూసి మేఘమైనా  మురిసి 
మనసాగక మకరంధమై వర్షించదా!!!
వర్షించిన చినుకు వయ్యరిపై పడి
పులకించదా!!!!!!
కలవర పడి కవ్వించదా!!!!!!!
ఆ కిటికీల్లా  కొట్టుకునే కళ్ళను చూసి
ఆ వెన్నెలలా వెలుతురులు వెదజల్లే 
నవ్వులు చూసి 
మనోహరుడైన మన్మధుడే 
నీ  పాద సేవకై అంకిత మవ్వడా!!!!!!!!!

సముద్ర కెరటంలా ఎగసిపడే కోరికలతో 

నిండిన హృదయంతో తపిస్తూ ........

నాలో ప్రవాహంలా పారే ఆలోచనలను అరికట్టుకొని 

ఓడలో సాగే బాటసారిలా వెళ్ళే నేను

ఆటుపోట్లు లాంటి  ఒడిదుడుకులను ఎదుర్కుంటూ   

నీలో లీనమవ్వాలనే కోరికతో కుతూహలపడుతూ 

ఎల్ల వేళల నీ ద్యాసలో జీవిస్తూ

 ప్రపంచంలో ఎక్కడా  దొరకని అనుభూతులను  పొందుతూ

ఆనందం కోసం వెతుకుతూ వెళ్ళే నాకు 

ఒక కొత్త ప్రపంచాన్ని చూపిన మగువా..........

ప్రేమలో నీ వల్ల అనీర్వచనీయమైన భావాలూ

అవనిలో ఎందు వెతికినా దొరకవేమో అందుకని 

కాంక్షతో కాంక్షించే నీ ప్రియుడి 

కాంక్షలను తీరుస్తావు కదూ............

తపనలు పెంచే తరుణి
తమకంతో తల్లడిల్లే హృదయ
లోతుల్లోకి తొంగి చూసి
నీ తోడుకై తపించే
తనకు తారసిల్లి 
వెచ్చని నీ ఒడిలో చోటిచ్చి 
క్షణం కూడా వీడని తోడై 
శాశ్వతంగా మనసుతో పాటు
జీవితంలో బస చేయవా.............

పారేవి  నదులు 

పొంగేవి జలపాతాలు 

నిర్మలమైనది హృదయం 

స్వచ్చమైనది   ఆత్మ 

స్వార్ధమైనది  ప్రేమ 

నిస్వార్ధమైనది    స్నేహం......

ఒడిదుడుకులున్న  సర్దుకుపోయే 

స్నేహం  కోసం 

పరవశించి  ప్రాణాలైనా వదిలేస్తా..........

మనసులో  నిగిడీకృతమైన భావాలు..

మరపురాని  జ్ఞాపకాలు... 

పదే పదే  గుర్తుకొస్తుంటే .....జాలువారిన  ముత్యాల  లాంటి   అక్షరాలు ....

భావాలు  వ్యక్తపరచడానికి  భాషే సరిపోదనిపించే  క్షణాలు 

మధురం  మధురాతిమధురం......

అలకలో  ఉన్న ఆమనీ
పుష్పావర్షం కురిపించాలన్న 
కాంక్ష  ఉన్నప్పటికినీ 
అలుపు గురించి ఆవేదన చెంది 
కోరిక నేరవేర్చుకోలేని నా మనసు 

ఆత్మనుసైతం నీ అలకకు ఆవిరి చేస్తానంటుంది 

మరి నువ్వు అలక మాని ఆనందం కలిగించవా.............

ఓ ప్రియతమా......

 ఉచ్చ్వాస  నిశ్వాసాలు 

నువ్వు నేను అయితే

కలిసి ఊపిరౌదం......

అందాలు చిందించే ఓ చెలియా 

అమావాస్య చీకటిని చీల్చే కాంతి నీది 
కవ్వింతలకే కలవరం కలిగే 

కళ్ళను చూసి మతిభ్రమించిన 

మనసు మైమరచి మురిసి 

నీ కోసం శాశ్వత శ్వాసను వదిలేస్తుంది 

నీ ఊహల్లో గడిపే నేను 

ప్రతి క్షణం నీకై పరవశిస్తూ 

నీ ఊసులతో ముచ్చటిస్తూ

నీ భావాలతో కాలం గడుపుతూ

నీ అందాలను నెమరు వేసుకుంటూ

నీ రూపు రేఖలను మదిలో చిత్రిస్తూ 

నీ నివాసం ఏర్పరచుకున్న నా గుండె గూటిని రక్షిస్తూ 

నీలో మమేకమై జీవిస్తూ 

నిరంతరం నీ ద్యాసలో బ్రతికే నా చెలియా.........

నీతో ఒక జన్మలోనైన తోడు ఉండడం కోసం

ఎన్ని సార్లు మరణించడానికైనా

ఎన్ని జన్మలైన జన్మించాడనికైనా

ఎన్ని జన్మల్లోనైన  వేచి చూడడానికి  సిద్ధం...........

ఉరిమే మేఘలకేం  తెలుసు

మోగే నా గుండె చప్పుళ్ళ గురించి 

కురిసే వర్షానికేం తెలుసు

కూర్చుని  రోదించే రాత్రుల గురించి 

వీచే గాలికేం తెలుసు 

వేదనతో వెర్రెక్కే  వయసు గురించి

నిండు నిశీధికేం తెలుసు 
నిత్యం నీ కోసం కనే కలల గురించి

వికసించే పుష్పానికేం తెలుసు

వెదజల్లే సువాసన గురించి

మండే సూర్యుడికేం  తెలుసు 

వెలువడే వేడి గురించి

కాసే కాయకేం తెలుసు

తనలో  ఉన్న తియ్యదనం గురించి

నీపై ఉన్న ప్రేమకేం తెలుసు

నువ్వు లేకుండా జీవించడం గురించి 

నాలో ఉన్న నీకేం తెలుసు

ప్రాణాలు సైతం లెక్క చేయకుండా నీకై సమర్పిస్తానన్న వేదన గురించి..................

క్షణానికి ఒక జన్మ ఉంటే 

ప్రతి జన్మకు నువ్వు నాకు తోడుగా ఉంటే

నీ కోసం క్షణక్షణం మరణిస్తా..........

ప్రతి క్షణం జన్మిస్తా..........

ఓ ప్రియతమా!!!!!!!!!! 

 సహించలేని నేను సహనవతివైన నీతో అన్న మాటలను సహించి 

నీతో మాట్లాడకుండ చీకటిగా మారిన నా జీవితంలో కాంతులు వెలిగించి

స్వర్గదాయకం చేయవా!!!!!!!!!!!!!!

ఓ ప్రియతమా నా జీవితంలోకి వచ్చిన అదృష్టమా

నిరంతరం నీ ధ్యాసలోనే  ఉంటున్నానే   జీవన వరమా

విపరీతమైన ఆలోచనలతో తల్లడిల్లుతున్నానే  ప్రణయమా

నీ  ఊహల్లోనే   బ్రతికేస్తున్నానే బంధమా 
ఊపిరి లేని వాడనవుతున్నానే   అనురాగమా

నీ పిలుపుకై తపిస్తున్ననే తమకమా
నా కళ్ళలో కొలువయ్యావే  కావ్యమా 

నా మనసంత నీ ఊసులేనే  వయ్యారమా

నా హృదయ గోపురంలో వెలిసావే దైవమా

నీ ప్రేమకై ప్రాణాలైనా సమర్పించుకుంటానే   ప్రాణమా! !!!!!!!!

నా  ఊపిరినడుగు నీకై జీవిస్తానంటుంది
నా  నీడనడుగు దానిలో నువ్వున్నావంటుంది
నా కన్నీరునడుగు  నీకోసమేనంటుంది
నా  గుండెనడుగు నా మనసును  ఓదార్చమంటుంది
వీచే గాలినడుగు నీ కోసమే  వేచి చుస్తానంటుంది
పూసే పువ్వులనడుగు నీకై పులకిస్తున్నానంటుంది 
కిల కిల కూసే కోకిల నడుగు నిన్ను కవ్విస్తానంటుంది 
పున్నమి నాటి చంద్రున్నడుగు నీకై పరవశిస్తానంటుంది
ఉదయించే సూర్యుడినడుగు నికై  ఉవ్విళ్ళూరుతానంటుంది 
సాయంకాలం  సంధ్యనడుగు నీకై సతమతమౌతానటుంది 
నాలో ఉన్న ప్రేమ నడుగు నీకై ప్రాణం ఇస్తానంటుంది

నగనైనా కాకపోతిని నీ ఎదపై వలిపోయ్

నవ్వునైనా కాకపోతిని నీ పెదాలపై ఉండిపోయ్

రెప్పనైనా కాకపోతిని నీ కనులపై నిలిఛిపోయ్
చూపునైనా కాకపోతిని నీ కన్నులో కాంతినయ్
కురులనైనా కాకపోతిని నీ తలలో భాగమై

అందమైనా కాకపోతిని నీ మేనులో ఇమిడిపోయ్

తిలకమైనా కాకపోతిని నీ నుదుటిని అంటుకుపోయ్

గోళ్ళనైనా  కాకపోతిని ప్రాణంలేని జీవినయ్
మచ్చనైనా కాకపోతిని నీ మేనులో లీనమయ్
ప్రేమనైనా కాకపోతిని నీ మనసులో నిగిడిపొయ్
సొట్టనైనా  కాకపోతిని నీ బుగ్గపై సిగ్గునయ్............  

చల్లని గాలులు తగిలిన మనసు కొత్త ఆనందాన్ని చవిచూస్తుంది

నీ చెంతకు చేరాలని తపిస్తుంది నాకు తెలుసు అది అసాధ్యమని

కానీ ప్రయత్నించమని మనసు పదే పదే చెప్తుంది

నా మనసుకు చెప్పాను  నీ రాకకై చూడొద్దని

కానీ ప్రమేయం లేకుండానే నీకై పరవశిస్తుంది

మెదడుకు చెప్పాను ఆలోచించొద్దని కానీ

మనసంతా  నిండిన తనను ఎలా మర్చిపోవలని ప్రశ్నిస్తుంది

ప్రశ్నించిన మనసుకు చెప్పాను తను నా సొంతం  కాలేదని

కానీ నను అరికట్టలేవు అని చెప్తుంది

అరికట్టలేని నా మనసు అంధకారమైంది

అంధకారమైన జీవితంలోకి వచ్చి

ఆనందకరమైన జీవితాన్ని ప్రసాదించవా !!!!!!!!!

తొలకరి జల్లుల్లో తడవగానే నాకు ఏదో తెలియని ఆనందం

నెమలి నాట్యంలో ఎలా ఆనందపడుతుందో  తెలియదు కానీ

నా ఆనందమే వేరు కోటి ఆలోచనలు పరుగులు తీసాయి 

ఏదో కొత్తదనం మదిలో ఏదో సాధించానన్న ఆనందంలా ఉంది

కురిసే జల్లులు పడుతూ ఉంటే నిర్మలమైన నీ రూపం మదిలో మెదిలింది

ఓ కురిసే వర్షమా !! నువ్వు అక్కడ కురిసి  నాకు కలిగిన భావాలు   తనకూ  కలిగించవా !!!!!!

నా కోసం కలవర పడేట్టు చేయవా !!!! \
అని అడగాలనిపించింది

కానీ పిచ్చి వాణ్ణి ఊహలలోనే తెలిపోయాను......

కానీ అవని ఒడిలో  పరుగులు తీసే నదులు వెళ్లి సముద్రంలో కలుస్తాయి........

 నీ ఒడిలో నిద్రించే అదృష్టం నను వరిస్తే  నరక ద్వారాలు తెరిచి నడిచి వెళ్ళడానికి సిద్దమే ...........................

నిదురించే కళ్ళలోన కలవరపరిచే కలలు 
నా మనసులోన నీ రూపం అద్దంలో ప్రతిబింబంలా 
నా మదిలో ఎప్పటికి నిలిచే ఉంటుంది
ఎవ్వరి గురించి ఎదురు చూడొద్దని నా కళ్ళకు చెప్పను
ఎందుకంటే నా కళ్ళలో నీ రూపం చెరిగిపోతుందని
ఎవ్వరి గురించి ఆలోచించవద్దని నా మనసుకు చెప్పను
నా మదిలో మెదిలే నీ ఆలోచనలు బయటకు వెల్లిపోతాయని!!!!!!!!!!!!

నా కళ్ళలో గూడుకట్టుకున్న ఓ వనిత

నీ రాక కోసం ఎదురు చూస్తున్నాను

నీ ఉహల్లోకి రావాలని పరితపిస్తున్నాను

నీ జతలో చేరాలని ఉవ్విళ్ళూ రుతున్నాను

నీ మోము చూడాలని కాంక్షిస్తున్నాను  

నీ దరి చేరాలని సొమ్మసిల్లిపోతున్నాను

నీ కళ్ళలోకి చూడాలని తపిస్తున్నాను

నీతో జీవించాలని జీవిస్తున్నాను

నీకై బ్రతకాలని నిర్ణయిన్చుకున్నాను

నీ తోడులోని ఆనందాన్ని పొందాలని ఆలోచిస్తున్నాను

నిన్ను నా సొంతం చేసుకోవాలని సతమతమౌతున్నాను

ఇలా పరవశించే నాలో కలిసి కవ్విస్తావు కదూ!!!!!!!!!!!!!!!!!!!!

నీ గురించి తెలిసినప్పుడు మనసు మనసులా

 ఉండట్లేదు

పాత జ్ఞాపకాలు నన్ను వెంటాడి వేధిస్తున్నాయి 

నాలోని భావాలు గునపంలా గుండెల్లో దిగుతున్నాయి

దేని గురించైనా తలుచుకోలేకపోతున్నాను

మనసు రాయి చేసుకోలేకపోతున్నాను

నీ మధుర జ్ఞాపకాలు మదిలో మెదులుతూ కలవరపెడుతున్నాయి

నా నిద్రెక్కడో  నా మనసెక్కడో

నిను విడిచిన క్షణం నుండి మనసుకి ప్రశాంతతే లేదు

నిను కలిసిన   తరుణం నా జీవితంలో మరచిపోలేని  మధుర క్షణం

తప్పు చేసానో  ఒప్పు చేసానో తేల్చుకోలేకున్నాను

ఏమి చేసానో గానీ మనసు నా ఆధినంలో లేదు

వేదనతో వెర్రెక్కిపోతుంది

కోటి ఆలోచనలతో పీడించబడుతుంది

నీ గురించి తెలిసిన క్షణం ఏవేవో కోరికలు

ఏవేవో పిచ్చి జ్ఞాపకాలు ఏవేవో పులకింతలు

ఏదో తెలియని తనం వెంటాడి వేదిస్తుంది

నిన్ను కలవమని శాసిస్తుంది

ఆపసోపాలతో అత్యాలోచనలో    అవిరైపోతున్నాను

ఇన్ని భాదలు పడే నా మనసుతో మనసు కలిపి మహత్తరమైన ఆనందాన్ని ప్రసాదించవా!!!!!!!!!!!!!!!

నిన్ను చూడాలనిపిస్తుంది చూడలేకపోతున్న

నీతో మాట్లాడాలనుంది మాట్లాడలేకపోతున్న

నిన్ను కలవాలనిపిస్తుంది కలవలేకపోతున్న

నీతో గడపాలనిపిస్తుంది గడపలేకపోతున్న 

నీ ప్రేమని పొందాలనుంది పొందలేకపోతున్న

నీలో భాగమైపోవాలనుంది కాలేకపోతున్న

నీతో జీవించాలనిపిస్తుంది జీవించలేకపోతున్న

నీకై బ్రతకాలనుంది బాధ భరించలేకపోతున్న

నీకై చావాలనిపిస్తుంది చావలేకపోతున్నా 

నాలో ఏదైనా లోపం ఉందా!! అనిపిస్తుంది తెలుసుకోలేకపోతున్న

ఏది ఎలా ఉన్న  ప్రేమతో నీ కోసం ఎదురు చూస్తున్నా    కరునిస్తావన్న ఆశతో...............

నిన్ను చూసిన ఆతరుణం నా జీవితంలో మరచిపోని ఓ ఘట్టం వేవేల ఆలోచనలతో 
సతమతమౌతు సొమ్మసిల్లిపోయాను 

నీ కోసం ఆలోచిస్తూ రోజులు నిమిషాలుగా

నిమిషాలు సెకండ్లలుగా గడుపుతున్న

ఎటు చూసిన నువ్వే ఏ పని చేసిన నువ్వే

ఆలోచనలలో నువ్వే ఆవేదనలో నువ్వే

నాలో పరిపక్వత వస్తుందేమో  అనుకుంటే

అడుగడుగునా పరవశిస్తున్నాను 

అంతులేని ఆనందాలు అనంతమైన భావాలు 

అందాన్ని అయితే వర్ణించగలనేమో కానీ ఆనందాన్ని ఎలా వర్ణించను!!!!!!!!!!!!!!!!!

ప్రకృతికి ఆమని  అందం

సూర్యుడికి కాంతి అందం

వెన్నెలకి వెలుగు అందం

నదులు పారడం అందం

తుమ్మెదకి మకరందం అందం

నెమలికి నాట్యం అందం

పక్షికి ఎగరడం అందం

కోకిల కూయడం అందం

కవి చేతికి కలం అందం

కన్యకి సొగసు అందం

మనిషికి మనసు  అందం

మనసుకి ప్రశాంతత అందం

భాషకి భావం అందం

పాటకి పల్లవి అందం

ప్రేమకి పట్టు అందం

ప్రియుడికి ప్రియురాలు అందం

ప్రియురాలికి ప్రియుడు అందం

జీవికి జీవం అందం

నా జీవితానికి నువ్వే అందం

కలలో కనిపిస్తావు కనుమరుగైపోతావు
ఊహల్లో కనిపిస్తావు ఉర్రూతలూగిస్తావు 
కళ్ళలోకి చూస్తావు కలవరపెడతావు
వెన్నెల్లో   కనిపిస్తావు వెలుగులు వెదజల్లుతావు
గుండెల్లోకి వస్తావు గుబులు పుట్టిస్తావు
మాటల్లోకి వస్తావు మరవకుండ  చేస్తావు
మనసులో కొలువయ్యావు   మైమరపించావు
నా ఆత్మ లో కలిసి ఆరాధ్య దైవమై అలరించవా!!!!!!!!!!!!!!!

ఎన్నో రకాల కలల్లో లీనమౌన్తున్న నా మదిని నీ వైపు తిప్పుకున్న ఓ వనిత
అనంత విశ్వంలో  ఎల్ల వేళలా వెతుకుతున్నానే నీ కోసం
అంధకారమైన నా జీవితాన్ని ఆనందకరం చేసి
అనిర్వచనీయమైన భావాలు నింపి
నా మనసుతో మనసును జత పరిచిన ఓ పడతి 
ఉషోదయమై వెలుగుతూ వచ్చిన 
నీ కోసం పరవశించి  ప్రాణాలైన వొదిలేస్తా.....................................

తిరిగే భూమి తిరగడం ఆపిన ,

పొంగే జలపాతాలు పొంగడం ఆపిన ,

కాసే వెన్నెల కాయడం ఆపిన,

వికసించే పువ్వులు వికసించడం ఆపిన,

పారే నదులు పారడం ఆపిన,

ఉదయించే సూర్యుడు ఉదయించడం ఆపిన,

మిల మిల మెరిసే నక్షత్రాలు  మెరవడం ఆపిన,

కిల కిల కూసే కోకిల కూయడం ఆపిన,

వీచే గాలి వీయడం  ఆపిన,

కురిసే వర్షం కురవడం ఆపిన,

నాలో ప్రవహించే రక్తం ప్రవహించడం ఆపిన,

నేను నీ చెంతకు చేరడాన్ని మాత్రం ఆపను................